تلاقـن

تلاقن زمان
في وطن م لوطان
ربيع وخريف
وكان الربيع زاهي بحنان
وكان الخريف
دافي عفيف

حبُّــو
ماهابوش تعب
عاشو
اجمل قصة حب
واجمل حاجة في قصتهم
انهم كانو
كل حد يدّلل فـ الثانــي
واجمل حاجة في لغتهـم
انهم كانو
ما يحتاجو شرح معاني

ووين صار للمحبه انفاس
جي للربيع وسواس
قال ياربيع :
ما القيت في الكون الوسيع
غير الخريف ونّـاس
انسى امعاه أحلامك
تلقى الشتا قدامك
وتلقى وراك الصيف

جاه الخريف يغني
ويقوله المسكين:
نا ليك وانت مني
رد الربيع، وقال
ونظرة جفـا في العين:
امشي ابتعد عني
لا عاد بيك انحير
لا الشوق لك يشغلني
وراه كل شي ايصيـر
إلا حبني بالسيـف

ومن يومها..
يشيب الرضيـع
م البرد في عـز الربيـع
وصارت الشمس اتغيب
وين ما حبيب يهون الحبيب
وصار الخريف خريـف
فيه الشجر ايصيـف
والريح ليها زفيـف
وما حّد يعرف ليـش
لا حّد يعرف كيف
تلاقـن زمـان
في وطن م لوطـان
ربيــع وخريـف