تسير القوافل 

شن يقدروا غير الكلام إيديروا
تسير القوافل كيف ما احنا انسيروا
مهما إيقولوا
لا يباعدوا بيناتنا لا يحولوا
لا يفرحوا لا ما يتمنوا ايطولوا
إيجي كيدهم في انحورهم وايحيروا

مهما علّوا
وجابوا علينا في الكلام وقلوا
لا نرجعوا لا نكبكبوا لا نذلوا
لفوق انتعلوا بالغلاء وانطيروا

ما نهتموا
كيف يشكرونا كيف فينا إيذموا
إحنا وين ماينادي الغلا نلتموا
ولينا الشّرف وين ما نحبوا انغيروا