غير تسلمي 

غير تسلمي ما نريد منك شي
إنتِ تعلمي عزمي عليك قوي
سواء تقربي سواء تصعبي
ايجيبك الشوق وتندمي

وكيف ما مشيتي اتجي

اتواطي عيونك كان لاقيتيني
وانا الحبيب!!!
ونحس روحي كان كلمتيني
كيف الغريب
تغيبي أيام .. وما تشوفك عيني
تغيبي أيام .. اتقول ناسيتينى

ايجيبك غرام .. بدمع تجّديني
وكلمة حبيبي ترسمي
لا توجعيني لا دمع يلفى لعيني
انتِ تعلمي دمعي عليك عصي
سواء تقربي .. سواء تصعبي ..
ايجيبك الشوق وتندمي
وكيف ما مشيتى اتجي

زينة طريقك .. ايقلك جفاك .. وشوقك ايجيبك
زينة طريقك .. ايردك غلاك .. وطيبة حبيبك
وتجيني بدموع الندم وتجيني بعيون العشم


ونقولك لا لاتعشمي
ردي ف طريقك تلقي نصيبك
انتي تعلمي ربي العاطي حي

سواء تقربي .. سواء تصعبي ..
ايجيبك الشوق وتندمي
وكيف ما مشيتى اتجي