كم من كلام
ينقال
ومن كلمات
قـولتهـا صعيبـه
وكم من حال
يُغنـي ع السـؤال
ومن حاجات
في الدنيا غريبه
مثقـــــف
مثقف
معني بهموم الثقافه
قاري ماهر
كاتب شاطر
يكتب حتى فـ الصحافه
يحلل أبعاد القضايا
في كياسه
وفي لطافه
يكتشف سر النوايا
في صدور الأمريكان
يشرح وجود الخرافه
وارتباطه بالمكان
والمعطوف مع انعطافه
والمحبه والحنان
لكل شي عنده دلاله
وكل شي
يخطر في باله
إلا شي
إسمه القيافه
وأطلق لشعْره العنان
صارت اللحيه طويله
فيها بعض الشيب ابيض
زاد في شكله ظرافه
وأطرف حاجه
فـ الحكايه
وين خطّمْ من جنب امرايه
شاف صوره
تشبه لوجهه زمان
بس هيئتها كئيبه
فاقده معنى الحنان
وحايسه حوسه عجيبه
سكنت الصوره خياله
خطرت في باله النظافه
وهو مثقف بامتياز
راح يكتب علّي شافه
ع الرشاقه والنحافه
راح يكتب باعتزاز
وكان عنوان المقاله
البهدله سر الخطايا
والوسخ أكبر مصيبه
حاجه غريبه !
كم من كلام
انقال
وباقي كلام
الفكر مابا ايجيبه
وكم من اشاره
بينت لحوال
ومن حال
ما تنفع امعاه كتيبه