كم من كلام

 ينقال

 ومن كلمات

 قـولتهـا صعيبـه

وكم من حال

يُغنـي ع السـؤال

ومن حاجات

في الدنيا غريبه

في أول يوم

في أول يوم

تعارف بيه

وثاني يوم

حضنه بقوه

وثالث يوم توالف بيه

وغير سيرته ما ليه دوّه

ويا معاه

يا يدوّر فيه

وإن غاب ساعة في لخرى أكيد يجيه

وتعرّف بخوته

وجيرته وبن عمّه

وبوه وأمه

وإن كنهو قدر

حتى اسماه للعيله يضمه

وبعد هذا كلّه

بانت العلّه

نفضه بقوه

والنفض بعد الضم

كما المدح بعده ذم

قلة مروه

واللي قبَلْ بشيء

واجب عليه إيقله

إلا نفس صاحبنا ما ليهاش ملّه

للكره دارت قصر

وللحب دارت زريبه

حاجه غريبه !

كم من كلام

 انقال

وباقي كلام

الفكر مابا ايجيبه

وكم من اشاره

 بينت لحوال

ومن حال

ما تنفع امعاه كتيبه