كم من كلام
ينقال
ومن كلمات
قـولتهـا صعيبـه
وكم من حال
يُغنـي ع السـؤال
ومن حاجات
في الدنيا غريبه
خــــوت
كيف الخوت
إليا كنهم تلاقو
يبان الشوق في نظره العين
كيف الخوت
إليا كنهم تلاقو
كلمة خوي اتجي فوق الجبين
إنت خويا .. اللي مانك من أمي وبويا
يعلم ربي إنك كيفه .. وممكن أكثر
ويعلم انك
لي عون وفـ الخاطر تجبر
إنت حتى لو تجرحني
ما نزعل منك
إنت بالهمْ تصارحني
ونشيله عنك
لكن بنخليك فحالك
وانت خليني في حالي
مش شرط اندوّر وانسلمّ
ولا مشروط إتبيّن غالي
وخليها لما نحتاجك
لما نحتاجك نبعتلك
ولما نبعتلك نلقاك
جاوب ياسبحان الله
وأنا نقعد نستناك
ووين تحتاج يبان غلاك
هو الخو لما تحتاجه
وإللا كلمة خويا حاجه
كانت كلمة خويا صعبه
وين ما انقالت ليها هيبه
ووين مالت ليام ودارت
صارت عند الناس إلعيبه
حاجه غريبه !
كم من كلام
انقال
وباقي كلام
الفكر مابا ايجيبه
وكم من اشاره
بينت لحوال
ومن حال
ما تنفع امعاه كتيبه