كم من كلام
ينقال
ومن كلمات
قـولتهـا صعيبـه
وكم من حال
يُغنـي ع السـؤال
ومن حاجات
في الدنيا غريبه
عاجباته روحه
عاجباته روحه
ومن يقدر يلوم عليه
كل من يلاقيه
أحسن سلام يسلم عليه
ويحضنه ويضّم
وصاروله أصحاب اجدّد
من كل حدب وصوب
ينهال الغلاء ويجيه
مربوعته فاحت اعطور ووّد
تفرغ عقاب الليل
وفي وقت العشية اتلّم
الدنيا زهت
وهو زاهي امعاها
ومن يقدر يلوم عليه
وهو وين يذكرو في اسماه
يقولو عليه مهمّ
وبين ليله وضحاها
القى روحه بروحه
يالله شينك حاله
الحال انقلب معداله
وبانت علينا اطروحه
وليش واجعته روحه ؟
ليش الزعل والريبه ؟
بـ إرزيقنا دار جاهه
وعاش وتمتع
وعلى حسابنا سافر نقاهه
يعالج ويرتع
وبـ إفلوسنا خلص دواه
وطبيبه
حاجه غرييه !
كم من كلام
انقال
وباقي كلام
الفكر مابا ايجيبه
وكم من اشاره
بينت لحوال
ومن حال
ما تنفع امعاه كتيبه