كم من كلام

 ينقال

 ومن كلمات

 قـولتهـا صعيبـه

وكم من حال

يُغنـي ع السـؤال

ومن حاجات

في الدنيا غريبه

تلاقوا اثنين أصحاب

تلاقو اثنين أصحاب ..

يحبو بعضهم زين

لثنين في عز الشباب ..

وللمال محتاجين

اتفقو يديرو شركه

كيف غيرهم .. واللى يجيهم بركه

دارو فلوس من بعد الفلاس ..

والحب أصبح .. للفلوس امداس

وطاح الحشم من العين ..

صارت عركه

وما همهم في الناس .. لا همهم في العركه

اللي همهم ..

كيف يفصلو هالشِرْكه

وكيف كل حد يزيد فوق نصيبه

حاجه غريبه !

كم من كلام

 انقال

وباقي كلام

الفكر مابا ايجيبه

وكم من اشاره

 بينت لحوال

ومن حال

ما تنفع امعاه كتيبه